Eýrazıalyq ekonomıkalyq odaq aıasynda ortaq valútany aınalymǵa engizý týraly bastamanyń bolashaǵy joq. Bul týraly Ulttyq kásipkerler palatasynyń tóraǵa orynbasary Raqym Oshaqbaev málimdeme jasaǵan. UKP orynbasary Oshaqbaevtyń aıtýynsha, EAEO qurylǵan kezde, úsh jaqty kelisimshart jasalǵan. Ol kelisimderde ortaq valúta engizý týraly sóz qozǵalmaǵan. Sondaı-aq, Oshaqbaev myrza, ortaq valúta qysqa nemese uzaq merzimde engiziletin bolsa, Qazaqstan ekonomıkasynyń perspektıvasy tómendeıtinin. Iaǵnı, ekonomıka ári qaraı óziniń damýyn toqtatatynyn aıtqan.

""Memleket basshysy óziniń sózinde, EAEO - bul saıası odaq emes,  ekonomıkalyq odaq",  dep naqtylap túsindirip bergen. Sondyqtan bul naýqandyq másele tóńireginde shekteledi, bul baıany joq áńgime dep esepteımin. Sondaı-aq, kóptegen sarapshylar, bizdiń odaq aıasynda ortaq valútaǵa kóshýge daıyn emes ekenimizdi aıtyp dabyl qaǵýda.  ortaq valúta - bul ıntegrasıanyń eń joǵarǵy sheginde bolýy tıis. Biz áýelde, makroekonomıkalyq, qarjylaı-nesıelik t.b. máselelerimizdi retke keltirip almaı jatyp, ortaq valúta týraly sóz qozǵaýdyń ózi ábestik. Sondyqtan, men EAEO aıasynda ortaq valúta engizýge, Qazaqstannyń sol ortaq valútaǵa kóshýine túbegeıli qarsymyn",-degen Oshaqbaev myrza.

Esterińizde bolsa, Reseı Federasıasy Prezıdenti V.Pýtın  Astanada ótken EAEO basshylary kezdesýinde odaq aıasynda ortaq valútalyq odaq qurý týraly bastama kótergen bolatyn. Sondaı-aq, Pýtın,  odaqqa múshe úsh el ıyq tiresip jumys istegende ǵana jahandyq daǵdarystar men ekonomıkalyq qaterlerden ortaq naryqty aman saqtap qalýǵa bolatynyn aıtqan.

Nurzat Toǵjan